وصلت إلى حارس البوابة، وقالت بحدة وهي تحاول إخفاء ارتجاف صوتها:
ـ افتح الباب. نظر إليها الرجل باستغراب. ـ إنتِ مين؟ التفتت ليلى إلى الخادمة التي لحقت بها، وقالت بسرعة:
ـ أنا الخدامة الجديدة... خارجة أجيب شوية حاجات. نظر الحارس إلى ملابسها باستغراب.

ـ هتخرجي كده؟
اشتعل وجهها غيظًا.
ـ وإنت مالك؟ افتح الباب، ولا أشتكيك للبيه بتاعك!
فتح الرجل البوابة على الفور، فخرجت ليلى تسير في الشارع ببيجامتها، والدموع تنساب على وجنتيها.
تتذكر كلماته التي تحــ,,ـــــرق قلبها أكثر من برودة الليل.

في الداخل، كانت الخادمة تركض بحثًا عن عمران. ـ عمران بيه! توقفت أمام إحدى الخادمات. عايزة عمران بيه
ـ إنتِ مين وعايزاه ليه؟ ـ ليلى هانم مراته خرجت من الفيلا
في تلك اللحظة، كان عمران يقف أمام والدته، يحاول السيطرة على غضبه.

قال بصوت مختنق:
ـ ليه ما قولتيليش إن عمي حاول يضغط عليكي علشان توافقي تتجوزيه؟ نظرت إليه والدته بحزن. ـ علشان مشوفش شكلك كده... الموضوع انتهى وأنا اتصرفت. ضحك عمران بسخرية مريرة. ـ اتصرفتي؟ اقترب منها.

ـ ضحك عليكي، وأخد شقى أبويا، وبعت حد يستغل بنتك ويضغط عليا بيها... وده اسمه اتصرفتي؟ ارتفع صوته أكثر:
ـ ده لعب بشرفي أنا! وقبل أن تكمل والدته حديثها، جاء صوت الخادمة المرتبك:
ـ الحق يا عمران بيه! استدار إليها فورًا. ـ في إيه؟

ـ ليلى هانم خرجت من الفيلا... وقالت للحارس إنها الشغالة الجديدة. تجمدت ملامح عمران. أما والدته فعقدت حاجبيها بدهشة:
ـ ليلى هانم؟ مين ليلى دي يا عمران؟ لم يجب. استدار واندفع خارج المنزل، وقلبه يضــ,,ـــــرب صدـ,,ـــره بعنــ,,ـــــف، بينما لحقت به والدته. ـ عمران!

مين ليلى دي؟
توقف للحظة، ثم التفت إليها.
كانت عيناه تحملان غضبًا وخوفًا لا يستطيع إخفاءهما.
ـ مراتي يا ماما.
توقفت والدته مكانها، وكأن الكلمة نزلت عليها كالصاعقة.
ـ مراتك؟! الثاني عسر