بمنزل محمد عم ليلى
افاقت من غيوبتها، تولول، وتضــ,,ـــــرب على صدـ,,ـــرها
_انضحك علينا، الراجل خطف شقى عمرنا وهرب
اه ياني، اروح فين واجي منين ياربي، ياربي انا عملت ايه في دنيتي حتى يحصل معايا كدا
اقتربت ابنتها بكوب الماء
_خلاص يما، اللي حصل حصل، بكرة الارض تتعوض
_تتعوض...

ضــ,,ـــــربت على رأسها
تتعوض منين، منين تتعوض، واخوكي اللي محبوس دا هنعمل فيه ايه
تذكرت ماقاله لها هشام، زاحت الغطاء، من فوقها واتجهت للخارج، وجدت والد ليلى وزوجها
بكت اول مارأتهم
_شوفت يامحمود، شوفت ولاد الحرام عملوا معانا ايه

_اهدي ياام هشام، ربك هيعدلها
امسكت طرف ثيابها
_منين... منين يااخويا هيعدلها، بعنا الارض
بعنا ارضنا، مابقاش حليتنا حااااااجة
يخربيتك يامنال، يخربيتك يامنال
_ماخلاص بقى يامنال، بطلي ولولة، خلينا نعرف نفكر، ازاي هنخرج الولا
اتجهت تنظر لمحمود
_محمود...

كلم فريد، خليه يشوف له محامي، وانا والله لو هشتغل في الغيطان حتى هدفع له تمن المحامي
انحنت على يده
_ابوس على ايدك يامحمود، عايزة ابني يطلع من السجــ,,ـــــن
سحب كفيه سريعا وقال
_استغفر الله، انا هشوف له محامي يامنال، الصبح هنزل المركز واسأل عن احسن محامي

عند نيفين
وصلت الى منزل شهاب، دلفت للداخل، وبدأت تحطم كل مايقابلها، وتصرخ
_ااااه... والله لامــ,,ـــــوتك ياحقيرة، والله لامــ,,ـــــوتك
خرج شهاب من غرفته
_مالك فيه ايه
رفعت عيناها اليه والغضب يحــ,,ـــــرق حواسه
_اتجوزها
هز رأسه باستفهام
_مين اتجوز مين؟ فهميني؟

رفعت كفيها فوق خصلاتها، تدور كالاسد الحبيس
همــ,,ـــــوت ياشهاب، حتة بت جاهلة من الارياف تعلم علي انا
_نيفين..! صرخ بها واقترب منها
_ماتقولي ايه اللي حصل
هوت على الاريكة، تمسح على وجهها ونيران الغضب تحــ,,ـــــرقها
_عمران اتجوز البت الفلاحة
تجمد شهاب للحظات، ثم اطلق ضحكات صاخبة، حتى اهتز جسده
كانت تطالعه بذهول.

_هو انا قولت نكتة
هز رأسه ومازال يضحك
_ايوة طبعا، لانك غبية
رمقته بغضب، فاشار بيده معتذرا
_ماهو انت اللي هبلة، سوري يانوفة، هو فيه واحد هيتجوز واحدة متجوزة
هبت من مكانها، تضــ,,ـــــرب قدمها بالارض وصرخت
_بقولك اتجوزها، وانا لسة جاية من بيته، كانت في سر,,ـــــيره بقميص نوم

هو مش انا كلمتك وقولت لك عمران بعتلي
صمت ينتظر باقي حديثها
_رحت، لقيتها هناك، ومش بس كدا، عرفت انا اللي صورت الفيديو وبعته لها
_انت بتخرفي بتقولي ايه، البنت اتجوزت من كام يوم
لا لا فيه حاجة غلط، اتجه لهاتفه سريعًا

وقام بمهاتفة منال
عند منال جلست على الاريكة وربطت رأسها، ومازالت تولول بما حدث، استمعت الى هاتفها، لم تكترث، اعاد الهاتف مرة اخرى
سحبته بملل
_ايوة مين
_هي ليلى مش اتجوزت ابنك ياست انت
تذكرت هذا الرجل حين هاتفها قبل ذلك بعدما اخذت نيفين رقمها واتفق معها على تشويه سمعة ليلى