؟؟ ***** صلاة على النبي دوا لكل وجع صلوا عليه وسلموا تسليما " حكمت المحكمة بقبول دعوى طلاق دلال علي الباشا من زوجها شريف ناصر الخالدي "

كانت هذه الجملة بمثابة حكم البراءة لذاك المراد الذي لم يترك أحد حتى وسطه في هذه الدعوى
أجمل لحظة في حياته دموعه تعبر عن فرحته .. ومن جهة أخرى كان ذاك الذي يصرخ كالمجنون " لا يا دلال انا بحبك والله غلطت بس ما أخسركيش دلال مش هأقدر أعيش من غيرك بحبك مش هسمحلك تبعدي عني انتي مراتي لآخر لحظة بعمري هردك ليا مش هسمحلك تكوني لغيري والله آسف سامحيني " كان كلامه بين وعيد وتهديد توسل ورجاء دموع وصراخ كان في حالة يرثى لها .

.

صرخت والدتها بحقد " خلعتي الراجل اللي يتمنالك الرضا ترضي يا فا..جرة خلعتي الراجل وفضحتينا عشان تدوري على حل شعرك مش عايزة أعرفك تاني " نظرت لذاك الذي ينظر لهم بغيظ وتحدي ثم تابعت " لو في حد فاكر انه الطريق خليله يبقى بيحلم مش هتتجوزي غير شريف يا دلال انتي سامعة " في الحقيقة لم تكن تسمع أي أحد فقط شعور أنها تحررت من ذاك السجن الذي كانت به التحكمات والتنازلات تحت مسمى الحب ولو أول تشعر بالحرية والسعادة كان حجر زاح عن قلبها فتنفست براحة وابتسامة هادئة ظهرت على وجهها غير عابئة بتلك الترهات والصراخ من حولها .

.

ذهبت ناحية سيارتها ليوقفها صوت مراد باسمها التفت له بهدوء ليهمس بصوت دافئ به نبرة رجاء " انا هأستنى يا دلال سنة اتنين عشرة هستنى " مسحت وجهها وقالت بحزن لأجله " مراد انا مش عايزة أظلمك تجارب تاني مش عايزة أدخل سجن تاني مش عايزة أنا أول مرة أحس اني حرة اني قادرة أتنفس " أخفى غصة في قلبه وقال " مش هينفع يا دلال قلبي تعلق تاني المرة دي هتكون نهايته انا عايش عالامل ده هداووي جراح مش

انا السبب فيها هحطك في قلبي قبل عيني هأكون وصية الرسول ليكي وده وعد مني بس ما تكسريش قلبي "

كانت نبرته صادقة نظرة عينيه التي لم تطفئها السنوات الماضية لترد عليه بألم " ذنبك ايه تاخد وحدة مشوهه تعالج فيها مريضة نفسية مش هتسعدك يا مراد " يكفيه اسمه من شف. تيها والله يكفيه قال بصوت حنون " قابل وراضي وهتحمل كل حاجة لأجلك يا دلال بس أعطيني فرصة " هزت رأسها ولم تجيب وغادرت تحت نظراته وهو يخطط لحياة أخرى برفقتها .

. دخل مكتبه وهو يغني كان صديقه بانتظاره استغرب سعادته التي لم يراها منذ سنوات ليرفع حاجبه باستفسار " ايه الحكاية حب جديد ولا ايه "

ضحك مراد وقال بهيام " حب بس مش جديد هو القديم " عقد مؤمن حاجبة بعدم فهم " يعني ايه " تنهد مراد براحة أخيرا وقال " اتطلقت يا مؤمن " صدم مؤمن في البداية ليسأله بعدم تصديق " يعني حتى لو اتطلقت انت ناوي على ايه " استغرب مراد سؤاله وأجاب بسرعة " تخلص عدتها وأتجوزها اكيد " هب مؤمن واقفا وقال بجنون " تتجوز مين متطلقة وتسيب شهد اللي روحها فيك ويا عالم تقدر تخلفلك عيل ولا لا ليه يا مراد تعمل في نفسك