بس بصيت لأمي وقلت:— «هاتولي اللابتوب.»أمي بصتلي باستغراب.— «إنتِ لسه خارجة من عملية يا مريم... استني لما ترتاحي.»هزيت راسي.— «أنا ارتحت.»وسكت لحظة.— «هاتيه.»كريم كان طول عمره فاكر إن شركة الشاذلي للمقاولات والاستثمار ملكه. عشان اسمه بقى مشهور في عالم رجال الأعمال. وعشان الصحف كانت بتنشر صوره وهو واقف قدام مبنى الشركة وتكتب تحته:«كريم الشاذلي.

.. رجل الأعمال الشاب.»كان ناسي حاجة مهمة جدًا. الشركة دي مش بتاعته لوحده. أبويا هو اللي أسسها. وقبل ما يتوفى، كان عنده نظام واضح جدًا لحماية نصيب العيلة. ٥٢٪ من أسهم التصويت كانت موجودة في صندوق عائلي. وأنا...كنت الوصية الوحيدة عليه. خمس سنين كاملة، سيبت كريم يستخدم توكيلي في التصويت. مش عشان هو أقوى مني. ولا عشان أنا ما بفهمش في البيزنس. لكن عشان كنت بحبه.

كنت عايزاه ينجح. وكنت فاكرة إن جوزي هيحافظ على اسمي واسم أبويا زي ما أنا حافظت على اسمه. هو بقى فاكر إن سكوتي معناه إني مش فاهمة حاجة. وإن انشغالي ببيتي وحملي معناه إني بعيدة عن الشركة. كان غلطان. أنا كنت عارفة كل حاجة. وأنا على سرير المستشفى، والمحلول في إيدي، فتحت اللابتوب.

الأكثر قراءة الان

قابلت جوزي السابقمنذ 3 أسابيعالظل العالي نورهان العشريمنذ 3 أسابيعامانه علي المنصه نورهان العشريمنذ 3 أسابيع

دخلت على حسابات الشركة. وبعت تعليمات للمحامي الخارجي للعيلة.«عايزة إلغاء التوكيل اللي كريم بيستخدمه في التصويت فورًا.»المحامي اتصل بيا بعدها بدقايق. صوته كان متردد:— «مدام مريم... إنتِ متأكدة؟»بصيت قدامي. على الكرسي اللي في آخر الأوضة كان فيه سرير البيبي الصغير اللي أمي كانت جايباهولي. سرير فاضي. وبطانية زرقا صغيرة متنية جنبه. دموعي نزلت، لكن صوتي فضل ثابت.— «أيوه.»سكت لحظة.

وبعدين قلت:— «وأنا عمري ما كنت متأكدة من حاجة قد كده.»قفلنا المكالمة. وبعدها مباشرة قلت:— «جهزلي طلب الطلاق.»المحامي سكت. وأنا كملت:— «وكمان عايزة اجتماع طارئ لمجلس إدارة الشركة.»لأول مرة من خمس سنين...كنت هواجه كريم مش كمراته. ولا كست مستنية جوزها يرجع. لكن...كصاحبة حق كانت ساكتة بإرادتها. وكريم كان لسه فاكر إن الست اللي سابها حامل في البيت هتفضل مستنياه مهما عمل.

ماكانش يعرف إن في نفس اللحظة اللي كان قاعد فيها على البحر مع داليا...مراته كانت بتدفن ابنها. وبتدفن معاها...جوازهم. يتبع…………الباب اتفتح برزعته المعتادة، ودخل كريم البيت وهو بيضحك بصوت عالي وبيكلم داليا في التليفون: "يا بنتي خلاص بقى، سيبك من جو الشغل ده إحنا لسه واصلين القاهرة!"... بس الضحكة ماتت على شفايفه فجأة لما دخل الصالة وشاف الشقة ضلمة وريحتها غريبة، كأنها مقفولة من سنين مش من أيام.

رمى شنطته على الأرض وصرخ بصوت عالي:— «مريم! يا مريم إنتِ نمتي ولا إيه؟ وسامحيني، الساحل كان زحمة والموبايل كان فاصل!»مفيش أي رد. البيت كان هادي هدوء مرعب، هدوء ما يبشرش بخير أبدًا. قلبه بدأ يدق بعنف، وجري على أوضة النوم. فتح الباب بسرعة، لقى السرير مرتب ونضيف.. بس لما بص على الكومودينو، لقى المفاجأة اللي نزلت عليه كالصاعقة. ورق الطلاق..

وجنبه دبلته الدهب مخلوعة ومحطوطة بعناية فوقيها، ومعاها مفتاح شقة مريم اللي كان بيدخل بيه وهو حاسب نفسه سيّد المكان.— «إيه ده؟! طلاق إيه وهبل إيه؟!» كريم تكلم مع نفسه بصوت بيترعش وغضب ملايين الدبابيس بينغز في صدره. مسك الموبايل بجنون واتصل بسارة فورًا، وردت عليه وهي بتعيط من الخضة.— «ألو.. يا أستاذ كريم.. الحمد لله إنك رديت!»— «سارة! هي مريم فين؟! وايه الورق ده؟ إزای يعني طلبت طلاق؟

! هي اتجننت؟!»— «يا أستاذ كريم.. مدام مريم.. مدام مريم نزفت في الليلة التانية لسفرك.. وابنكم.. ابنكم مات يا أستاذ كريم! وهي سابت الشقة ووقّعت على كل حاجة ومشت!»الموبايل وقع من إيد كريم على الأرض واتكسر لألف حتة. عيونه جحظت في الكحلي، ووشه اتخطف وبقى أصفر زي الميت.. جسمه كله بدأ يترعش، وكلمة "ابني مات.. وهي سابتني" فضلت تزن في ودنه زي طلقات الرصاص.— «مات؟! لا.