لقى معالم الاوضة اتغيرت… بلالين كتير على شكل قلوب فوق السرير … وحواليه … كلها احمر وابيض… وورد على التسريحة ف وسطه صورة ليهم من صور الفرح… واسمه واسمها على الحيطة ف قلبين متداخلين بالورد الاحمر…. وشموع بروايح ناعمة مالية الاوضة باشكال خلابة
وف وسط دا كله تقى واقفة … شهرها مفرود لحد اخر ضهرها … ولابسة قميص نوم ابيض مشغول شغل رقيق اوى على طروفه باللون الاحمر… كانت لوحة فنية بمعنى الكلمة

وقف يتفرج مش مصدق كل دا… قربت هى منه
– وحشتنى
– انتى اكتر
حضــ,,ـنته ونامت على كتفه… وكانه كان مستنى دا .. ضمها اوى
– متاكد؟؟؟– انتى عندك شك… لو عندك بصى ف المراية وشوفى فينوس اللى فيها
– عينيك هى مرايتى
وبعدت عنه وشها عشان تشوف عينيه وهى ف حضــ,,ـنه
– ادهم
– عيون ادهم
– اوعى تبعد عنى تانى … الدنيا كانت ضلمة ف عنيا وانت بعيد

– تفتكرى بعد اللى انا شايفه انهاردة ممكن ابعد… حتى لو غصب عنك مش هتبعدى عن حضــ,,ـنى تانى
– ادهم …. تتجوزنى
– هو انتى تقى بجد.. انا مش مصدق نفسي
لفت ايديها حوالين رقبته بدلع
– لو سمحت ممكن ترد من غير رغى كتير
– لما تردى انتى على سؤالى
– سؤال ايه
– جبتى الرقة والدلع والانوثة دول منين
– موجودين من زمان .. بس مستخبيين … عشان يظهروا لحبيبى وبس

الأكثر قراءة الان

إمبراطورية الرماد نورهان العشريمنذ 3 أسابيعقابلت جوزي السابقمنذ 3 أسابيعالظل العالي نورهان العشريمنذ 3 أسابيع

– لمين
– قربت منه وقالت
– ل
ح
ب
ي
ب
ى
وبين كل حرف وحرف كانت بتلمس شفايه بشفايفها … ف بوسة رقيقة اوى
– تقى …
– ايوة…. بحبك… ومن يوم ماتولدت كمان… بس كنت عبيطة … ماكنتش فاهمة … وانت كمان عبيط
– فعلا عبيط… لانى ماعرفتش انك ف دمى من يوم مانورتى الدنيا… انى بدور عليكى ف كل ستات الدنيا وانتى ادامى
– انا مش ادامك… انا جواك وملك ايديك…

وقربت تبوسه بوسة خفيفة… لقت شفايفه بتاكلها … وعصرها بين ايديه بشوق كل سنين عمرهم
– اااه ادهم … مش قادرة اتنفس
– وانا كمان مش قادر يا حب عمرى … مش قادر ماعبرلكيش عن احساسى بكل الطرق
واقتحم ادهم كل حاجة فيها.. كان جعان لحبها… وهى كمان..ّ
وف الليلة دى…بقت مراته
********
بعد شوية ….– ينفع كدة …
– ينفع ايييه
– تجننينى بيكى بالشكل دا
– انت مجــ . ــنون خلقة

– لاااااا… ستوب باه… انتى بقيتى دلوقتى مراتى بكل الاشكال… وممكن يكون جواكى بيبى منى كمان … حاولى تحترمينى شوية
– عاوزنى احترمك ازاى وانت كدة .. قوم استر نفسك عشان تشوف شغلك.. عيب عليك دانت باش تومارجى اد الدنيا يابو اشف
– طب وحيات اشف مانا نازل
جاب التليفون من وراها .. واتصل بالعيادة
– ايوة يا عم حسنى … انا مش جاى اليومين دول… ممممم… لا معرفش هرجع امتى … ممممم… ماهيتك ماشية … ماله صوتى … ممممممم… لا تعبان بس شوية … ودلوقتى هرتاح… سلام

كان بياكل شفايف تقى وهو بيتكلم … واول ما قفل فصل التليفون وطلع البطارية
– بتعمل ايه… بقطع كل وسايل الاتصال
– وشغلك
– يستنى … المهم اشبع منك يا حب السنين….وارتاح فعلا ف حضــ,,ـنها
**********************

وبعد شهور …
– يا تقى
– نعم يا عم الحاج
– انتى لسة ما لبستيش
– مش نازلة
– يا بنتى دى عزومة مهمة وكل زمايلى رايحين بمراتاتهم
– بمراتاتهم بس… انت هتاخد مراتك وكورة كفر تعمل بينا ايه
– طب والله زى العسل حتى وانتى مكعبرة كدة
– مكعبرة؟؟؟ انا اللى مكعبرة … ولا لواحظ بنتك الاى مطلعة بظابيظ امى
– فعلا معاكى حق البظابيظ زادت اوى
– تقصد اييييييه
– قصدى يا حبيبة قلبى انك بقيتى ٣ اضعاف … ارحمى نفسك شوية