افراح قالت بغضب…لا انا فاكره كل حاجه..ايوه مكنتش عايزه ارقص ومكنتش عايزه اقعد معاهم لانهم عايزين يشغلوني بلقمتي بس اللي لجأتلو ده يبقى جدي زي ما هو جدك وليا حق عليه …مكنتش اعرف انو هيجي عليا هو كمان ويجوزني لواحد زيك ويكتب كتابي غصب عني بحجة ان اعمامي مياخدونيش….

كنت فاكره هيحميني من غير مقابل انا كان اهون عليا ارقص واتعرى ولا اتجوز واحد زيك اناني وغبي ومشوفتش تربيه بجنيه وايدك طويله ومتفرقش عن المواشي اللي بتربيها ابدا

هنا بدر مسكها من شعرها بغضب وقال…انتي لحد دلوك مشوفتيش حاجه من طولة اليد متخلنيش اوريهالك لانك مهتتحملهاش ودفعها بغضب على السرير
افراح بقت تبكي ومش قادره تقوم تقف من التعب فضلت مكانها وبقت تبكي بحسره
بدر بصلها شويه وحس بحزن رهيب عليها وكان نفسو يهديها في حض. نو بس افتكر كل اللي عملته معاه حس بغضب شديد وقال …اسمعي وحطي الكلمتين دول حلقه في ودنك لاني مهعيدهمش تاني.

.انتي هتفضلي هنه في اوضتي مهترجعيش الزريبه..طبعا مش علشانك..ده علشان ولدي اللي في بطنك ولد بدر ابو المكارم يتكرم حتى من قبل ما يولد …هتفضلي هنه مرتاحه واكله شاربه نايمه متهنيه لحد

ما تولديه ووقتها نكمل حسابنا يا بت نادر الطبال ولسه هيمشي قالت بغضب….الطبال ده جوز عمتك اخت ابوك وجوزتوها ليه برضاكم يا عمد
بصلها بسخريه وقال..لا مش برضانا..ده برضى جدي بس لانو طول عمره قلبو رهيف ومبيتنيش لولاده كلمه احنا وكل عيلتنا بريئين من النسب ده افراح ضحكت ضحكه حلوه بسخريه ووقفت وقالت..علشان كده كررتو النسب واتجوزتني صح
بدر اتغاظ من كلامها و قال ..لاه انتي حاجه تانيه انتي للمزاج وبس..

اخدتك جاريه ليا…بس انا لسه معتبرش اتجوزت لما ابقى اختار وانقي نقاوه هتشوفي ضرتك هتبقى مين وبت مين..ويمكن كمان تربي ولدك لان الصراحه مضمنش ربايتك
افراح بصتلو بسخريه وكتفت اديها وقالت ..مش لما يبقى فيه ولد اصلا الولد ده انا هنزله مش عيزاه ومش هتقدر هتجبرني عليه

بدر بصلها بغضب شديد وقال..ومعايزاهوش ليه بقى لانو مش من حبيب القلب
قالت بغضب وزعيق..بطل سفاله بقى ..قولتلك انا لما قابلت الظابط مقابلتوش لان بنا حاجه اناكنت بقابلو لانو وعدني يخلصني منك ويسجنك واخد حريتي اللي سرقتوها مني
وقربت منو بغضب وبصت لعيونه بتحدي وقالت …اما و

بالنسبه للطفل انت عارف كويس انا هسقطه ليه بلاش تخليني افكرك
بدر بعد عيونه عنها بحرج بيحاول يخبيه وقال..انا لما قربتلك كنتي مرتي على سنة الله ورسوله وكتبنا كتابنا وعملنا فرحنا ده كان حقي و

قاطعتو وقالت بزعيق مكانش حق..كان اغتصاب سامع ..انت اعتديت عليا واخدت مني اللي انا رافضه ادهولك غصب علشان تعرف مين فينا اللي ميستنضفش التاني يا ابن البشوات
بدر مسكها من دراعتها بغضب وقال…لو لسانك ده طول اكتر من كده هقصهولك وارتاح…وسمي اللي حصل بينا كيف ما عايزه تسميه..انتي كنتي مرتي وحقي وانا مبفرطش في اي حق ليا وولدي لو جرالو حاجه هقطع من لحمك واسويه للكلاب واخبطي راسك في اتخن حيط